Cuantus heitus callaus en los morralis
ondi echamus la hiel y las querencias
Cuantu gritu se pierdi en la pacencia
cumu llorus de hondus manantialis
Cumu huelliga seca en los canchalis
se mos queo el quejil de la concencia
Muus de sel simientis de la cencia
mos amarga la miel de los panalis.
Heriu de Estremaura tengu el cuezu
del silenciu qu´arropa mi andaura
y en ca hochi de surcu me trompiezu.
Pardagueandu quieru a Estremaura
se arrebulla en la re del su bostezu
y vueli ya piando pan y artura.
