Ena tardi del dia trenta i unu de maiu pasau, mos axuntamus
ena Casa Cultura de Ceclavin, un güen grupu de escrivientis, poetas, musicus i
envestigaoris estremeñus comprometius cona nuestra luenga, cona nuestra
literatura i conel nuestru patrimoñu coltural. El agrupaeru estuvu acareau polos elmanus Herreru Uceda.
A lo primeru, cuantis que huimus llegandu al puebru de
Ceclavin, mos salio a salualmus “Ceburrinchu” un burrinu de los elmanus Herreru
Uceda que dió nombraura al libru de relatus n´estremeñu qu´haci pocu
escribierun.
Prencipió el aztu con unas parabrinas de Fran Herreru que
mus dió la benvenia a tos cuantus estuvimus velelli presenti. Tamien hizu
nombraura al omenagi que se daba en esti mesmu aztu a los poetas ceclavinerus: Antonio
Herrero Alvarado y Asunción Delgado, i alogu se leyerun algunas puesias de
dambus
Alogu dispues, Fran Herreru hue nombrandu a tos y ca unu de
los/as escrivientis, musicus i envestigaoris assistenti participaoris, que huerun, unu a unu
enterviniendu nel aztu; ca unu cona sus cosinas escribias. Unus n´estremeñus i
otrus en castellanu, peru to enllenau de los nuestrus sentiris i la nuestra
coltura estremeña.
Fran Herrero Uceda
Entervinu dispue Elisa Herreru, que liyó puesias i escritus
de su pairi Antonio Herrero i tamien angunus relatus del
libru “Ceburrinchu”.
Elisa Herrero Uceda
Y Asina a pocu a pocu huerun enterviniendu tos los demas
escrivientis, talis cumu Cruz Diaz, que diju que venia representandu al OSCEC, i liyo angunas puesias suyas n´estremeñu, Jose Maria Alcón
Olivera, que tamien liyo un textu suyo n´estremeñu, Miguel Herreru, Jose Iglesias Benitez, etc. Esti últimu, un ecelenti
poeta, Presienti de la Editorial Beturia, aposentá en Madri, peru atareá en
emprental librus de escritoris y poetas estremeñus.
Velequi su queu los retratus de las pessonas qu´entervinun, que cumu poeis vel eran cuasi mayolmenti mujeris
Adrián
Oliveros
Cruz DíazMarcos
José
María Alcón Olivera
Mari José
Bustamante de Sande
Jose
María Chaparro
Miguel y
Elisa Herrero Uceda
José
IglesiasBenitez
Rosi
Giménez
Amelia
Peco
Antonia
Pons
Pepa
Rivera
Maribel
Alonso
Esperanza Vega
Esperanza
González, alcaldesa de Riolobos
Tamien se cantarun cantaris de Pablu Guerreru i otrus cantaris de
puesias musiqueás d´angunus poetas presentis. To mu sentiu, le gustu muchu a la
genti i angunus ata se l´ansomarun las larimas de tantas emocionis.
Theo
Acedo
Rosi
Giménez, José Iglesias y Santiago Hernández
De mos que, una mu guena i aprovechá tardi cona nuestra genti,
procupa de que se conservi el nuestru palral de siempri, la nuestra coltura i
el nuestru patrimoniu. Aguardemus que s´acotini con estus agrupaerus pol que de
siempri s´a mentau i s´a sentiu pa los nuestrus lugaris que la unión hazi la huerza.
Retratu de tos los escrivientis participaoris
En otru endilgui vos queare angunus vidius que avemus gravau
Ai que agraezel a los ermanus Herreru Uceda, pol a vel teniu
esta ecurrencia tan aparenti.
Cruz Diaz Marcos, miembro del OSCEC.