OCURRENCIAS

OCURRENCIAS
Ocurrencias de continu
andu llevandu i truxiendu,
comu roangas del agua
terciás en mi pensamientu,
comu asoplus que rebullin
las jeringoncias del vientu,
comu páxarus que aturdin
los cotorrus del silenciu.
Ocurrencias que me salin
del pozu de los adrentus
i retoñan en sentiris
comu simientis del sueñu.
Ocurrencias que se ansoman
a los postigus del pechu
i que escribin en el airi
las carantoñas del versu.
Ocurrencias que dispiertan
cosinas del sentimientu
i de vez en cuandu güelvin,
comu las vocis de un ecu.