Engarañá en la hiel de tus andaris,
estremá de abandonu i tierra dura,
me dueli tu silenciu, Estremaura,
escondiu entri campus d´encinaris.
Tienin jeitus de pena tus cantaris,
endurzaus en la miel de tu hondura
i se visti de negru tu blancura
i se enllenan d´ausencia tus pesaris
Verdi cumu esperanza campesina,
branca cumu la frol de tu alegría,
negra cumu la sombra de la encina,
Levantati cantandu la porfía
de sel vuelu de tierra que s´empina,
¡que está pardagueandu el nuevu dia!.
No hay comentarios:
Publicar un comentario