ondi a mi m´endilgarun la nacencia,
ondi tubun los probis la esperencia
de callal entri surcus de continu.
M´ancuerdu de los viejus ya cansinus,
mancornaus en los poyus de la cencia,
desliandu el sentil de la concencia
de aquel jondu vivil de sus destinus.
Hombris nuestrus, antiguus labraoris,
que simbrarun la tierra y la regarun
con la juerza del sol de sus suoris.
Estremeñus que siempri se callarun,
supiendu qu´en la boca e los señoris
se farataba el pan qu´ellus sembrarun.
se farataba el pan qu´ellus sembrarun.
Qué recuerdus me traen el tu escritu, y el afotu de p'arriba, d'aquellus pueblinus probes, ondi andaban sueltas las gallinas... El mi agüelu, con su sombrerinu, montal en la burra en la cuadrina o d'il a los güertos en cata de jigus chumbus.
ResponderEliminarAbrazus,
Alfonso.